ज्ञानकुञ्ज कलेज बनेपाले रोड रेस गर्दै

क्लिक काभ्रे

२०७९ जेष्ठ १८, बुधबार मा प्रकाशित १ साल अघि

८०८ पाठक संख्या

ज्ञानकुञ्ज कलेज बनेपाले रोड रेसको आयोजना गरेको छ ।

नेपालमै पहिलो पटक एसईई परीक्षा दिएर बसेका विद्यार्थीहरुबिच स्वस्थ्य प्रतिस्पर्धा गराउने उद्देश्यले दोस्रो ज्ञानकुन्ज रोडरेस–२०७९आयोजना गर्न लागेको प्रबन्ध निर्देशक प्रताप बैध्यले जानकारी दिए ।

बैध्यका अनुसार पहिलो उद्देश्य विद्यार्थीहरुविच प्रतिस्पर्धा गराई भोलिको दिनमा जुनसुकै क्षेत्रमा पनि कुशल नेतृत्व स्थापित गर्न सक्नुरहेको छ । त्यस्तै, एस.इ.इ.को तयारीको लागि कडा अनुशासन भित्र पठनपाठन गरि एस.इ.इ. लगत्तै फ्रि समयमा अनावश्यक कुलतमातथा गलत बाटोमा हिड्न सक्ने भएकाले उनीहरुलाई खेलकुद मार्फत सही बाटो र अनुशासनमा राख्नको लागि दोस्रो ज्ञानकुञ्जरोडरेसको आयोजना गर्न लागेको जानकारी दिए ।

यही जेठ २८ गते शनिवार विहान ६.३० बजेदेखि रोडरेस सुरु हुनेछ । रोडरेसमा छात्रा/छात्र दुवै विधा समावेश गरिएको छ । छात्राहरुकोरोडरेस ३ किलोमिटरको रहने छ भने छात्रको ७.५ किलोमिटरको हुने छ । प्रतियोगितामा प्रथम, द्वितिय र तृतिय हुनेले क्रमशः २० हजार, १० हजार र ५ हजार नगद पुरस्कार पाउनेछन् । प्रतियोगितामा सहभागी हुन २०७८ को एस.इ.इ. परीक्षा दिएको प्रवेशपत्रको प्रमाणितप्रतिलिपि र हालसालै खिचेको फोटो सहित नाम २०७९ जेठ २५ गतेभित्र दर्ता गर्न अनुरोध गरेको छ ।

पत्रकार सम्मेलनमा प्रतिष्ठानका अध्यक्ष सुरकृष्ण बैध्य, संचालक आत्माराम थापा, क्याम्पस प्रमुख नवराज चौलगाई , प्रशासन प्रमुख अर्जुन खड्का लगायतको उपस्थिति रहेको थियो ।

नैतिक, व्यावहारिक तथा व्यवसायिक शिक्षाको लागि ज्ञानकुञ्ज  भन्ने मूल मर्मलाई आत्मसाथ गर्दै विगत २० वर्षदेखि काभ्रेकोव्यापारिक तथा सांस्कृतिक नगरी बनेपामा शैक्षिक प्रतिष्ठानले शिक्षाको क्षेत्रमा सेवा प्रदान गर्दै आएको छ ।