पाँचखालका विद्यालय अब्बल, ६४ जिल्लाका मावि मध्ये उत्कृष्ट १ सयमा पाँचखालका ६ वटा मावि

  • २०७९ भाद्र २८, मंगलबार मा प्रकाशित १ साल अघि
  • १२४१ पाठक संख्या

  • शैक्षिक गुणस्तर परीक्षण केन्द्र (इआरओ) ले कार्यसम्पादन परीक्षण गरी देशका ४ हजार ८ सय ६७ विद्यालयको श्रेणीकरण गर्दा उत्कृष्ठ एक सयमा काभ्रेको पाँचखालको ६ वटा माध्यमिक विद्यालय परेका छन् ।

    विद्यालयले प्राप्त गरेको कार्यसम्पादन प्राप्ताङ (मेरिट) का आधारमा पाँचखाल नगरपालिकामा देशै भरका उत्कृष्ट एक सयमा पाँचखाल नगरका १३ वटा माध्यमिक विद्यालयमध्ये ६ वटा विद्यालय छनौटमा परेको पाँचखाल नगरपालिकाका शिक्षा शाखा प्रमुख दीनानाथ पन्थीले जानकारी दिए ।

    उत्कृष्ट सयमा काभ्रेको पालिका मध्ये पाँचखालको ६ वटा मावि, रोशीको १ वटा मावि, पनौतीको १ वटा र मण्डनदेउपुरको १ वटा मावि परेका छन् । पाँचखालको आजाद मावि बालुवाले ३५ नं मा पर्दै ८४ दशमलब २४ अंक, ज्ञानेश्वरी मावि अनेकोटले ४० नं मा पर्दै ८४ दशमलब २४, भक्रमदेवी मावि अनेकोटले ५० नं मा पर्दै ८३ दशमलब १८, सर्वमंगला मावि पाँचखालले ६५ नं मा पर्दै ८२ दशमलब ५१, मंहाङकाल मावि बेलाले ८१ नं मा पर्दै ८१ दशमलब ६५ र जोरपाटी मावि तिनपिप्लेले १०० नं मा पर्दै ८१ प्रतिशत ल्याएर उत्कृष्ट एक सयमा परे । त्यस्तै रोशी गाउँपालिकाको मंगलजनविजय मावि उत्कृष्ट ५ नं मा पर्दै ९० दशमलब ०९ ल्याएर काभ्रेकै उत्कृष्ठ विद्यालय बनेको छ । पनौती नगरपालिकाको भालेश्वर मावि मल्पीले २८ नं मा पर्दै ८५ दशमलब ४ तथा मण्डनदेउपुर नगरपालिकाको महाकाली मावि चैनपुरले ४४ नं मा पर्दै ८३ दशमलब ८ अंक ल्याएर उत्कृष्ट १ सयमा परेको छ ।

    १३ पालिका रहेको काभ्रेमा उत्कृष्ट १ सयमा पाँचखालको ६ वटा मावि, रोशीको १ वटा मावि, पनौतीको १ वटा र मण्डनदेउपुरको १ वटा मावि पर्दा अन्य पालिकाको भने उत्कृष्ट १ सयमा पर्न सकेनन् । उत्कृष्ठ २ सयको समिक्षा गर्ने हो भने पनि पाँचखालको अन्य ४ विद्यालय थपिन्छ । उत्कृष्ट २ सयमा पर्ने पाँचखालका अन्य विद्यालयहरुमा श्रीराम मावि कोशीदेखा ८० दशमलब ५४ अंकका साथ ११३, जनता मावि होक्से ७९ दशमलब १७ अंकका साथ १५७, कालिका मावि अनेकोट ७९ दशमलब ०९ अंकका साथ १५८, गणेशमावि भमरकोट ७९ दशमलब ०१ अंकका साथ १६० औं स्थानमा परेका छन् । छन् । त्यस्तै पनौतीको भालचन्द्र मावि ८० दशमलब ९३ अंकका साथ १०१ र कुशादेवी मावि ७८ दशमलब ०२ अंकका साथ १९०, बेथानचोकको चक्रेश्वर मावि च्याम्राङबेशीले ८० दशमलब १३ अंकका साथ १२२, कृष्णगोपाल मावि महाङकाल ७९ दशमलब ०१ अंकका साथ १५९ र पार्वती मावि ढुंखर्क ७८ दशमलब ०६ अंकका साथ १८७, सञ्जीवनी मावि धुलिखेल ७८ दशमलब ७३ अंकका साथ १६९ र तेमाल गाउँपालिकाको राधाकृष्ण मावि चापाखोरी ७७ दशमलब ९२ अंकका साथ १९६ औं स्थानमा परेका छन ।

    पाँचखालका जनप्रतिनिधि, विद्यार्थी, अभिभावक, शिक्षक शिक्षिका सबैको सहयोगमा विद्यालयहरु उत्कृष्ट बनाउन सफल भएकोमा पाँचखालका नगरप्रमुख महेश खरेलले धन्यवाद व्यक्त गरेका छन । विद्यालयको शैक्षिक गुणस्तर बढाउनको लागि प्रधानाध्यापकहरुलाई सिकाई साटासाट, नेतृत्वका विषयमा छलफल राखिएकोले उत्कृष्ट नतिजा आएको जानकारी दिए । नगरप्रमुख खरेलले नगरपालिकाले शिक्षालाई प्राथमिकतामा राखेको जानकारी दिँदै शिक्षामा समग्र परिवर्तनको लागि प्रधानाध्यापक र शिक्षकको क्षमता सुदृढ बनाउने तर्फ नगरपालिका उन्मुख भएको जानकारी समेत दिए । यसैको परिणाम स्वरुप विद्यालय उत्कृष्ट भएको नगरप्रमुख खरेलको भनाई छ ।

    देशका ४ हजार ८ सय ६७ विद्यालयलाई श्रेणकरण गर्दा कास्कीको बाटुलेचौरस्थित विन्ध्यवासिनी माध्यमिक विद्यालय प्रथम श्रेणीमा परेको छ । सो विद्यालयले ९४ दशमलब ५९ अङ्क प्राप्त गर्दै प्रथम भएको थियो ।

     

    शैक्षिक गुणस्तर परीक्षण केन्द्र (इआरओ) ले देशभरका विद्यालयको कार्यसम्पादन परीक्षणको नतिजा

    प्रतिक्रिया दिनुहोस