बालकोटमा कांग्रेस-एमालेका नेताहरूबीच छलफल जारी

क्लिक काभ्रे

२०७८ फागुन १३, शुक्रबार मा प्रकाशित ३ साल अघि

५१५ पाठक संख्या

प्रधानमन्त्री शेरबहादुर देउवा र एमाले अध्यक्ष केपी ओलीसहित कांग्रेस र एमालेका प्रमुख नेताहरूबीच बालकोटमा छलफल भइरहेको छ ।

एमसीसी लगायत विषयमा छलफल गर्न प्रधानमन्त्री देउवासहित कांग्रेसका नेताहरू शुक्रबार साँझ ओली निवास बालकोट पुगेका हुन् ।

छलफलमा देउवा र ओलीसहित सूचना तथा सञ्चारमन्त्री ज्ञानेन्द्र कार्की, कांग्रेस महामन्त्री गगन थापा, पूर्णबहादुर खड्का, एमालेका नेताहरू प्रदीप ज्ञवाली, शंकर पोखरेल लगायत सहभागी छन् ।

एमसीसी लगायत पछिल्लो राजनीतिक घटनाक्रमबारे उनीहरूको छलफल केन्द्रित रहेको बताइएको छ ।

तस्वीर  एमालेका अध्यक्ष केपी शर्मा ओलीका प्रेस संयोजक रामशरण बजगाईको फेसबुकबाट साभार