काभ्रेमा आजबाट विद्युतीय राहदानी वितरण

Post Thumbnail
  • २०७८ माघ १६, आईतबार मा प्रकाशित २ साल अघि
  • ५०९ पाठक संख्या

  • जिल्ला प्रशासन कार्यालय काभ्रेले विद्युतीय राहदानी (ई पासपोर्ट) वितरण सुरु गरेको छ ।

    काभ्रेमा जिल्ला प्रशासन कार्यालय काभ्रेका प्रमुख जिल्ला अधिकारी हुमकला पाण्डेले ई–पासपोर्ट सेवाको शुभारम्भ गरेकी हुन् ।

    यसअघि जिल्लामा मेसिन रिडेवल पासपार्ट (एमआरपी) वितरण हुँदै आएकोमा अब विद्युतीय राहदानी वितरण सुरु गरिएको प्रमुख जिल्ला अधिकारी हुमकला पाण्डेले जानकारी दिइन् ।

    सहायक प्रमुख जिल्ला अधिकारी अमरदीप सुनुवारका अनुसार अनलाइन माध्यमबाट घरमै बसेर विवरण भरेपछि जिल्ला प्रशासन कार्यालयमार्फत रुजु गरिन्छ । ई पासपोर्टको लागि राष्ट्रिय परिचयपत्रको नम्बर अनिवार्य गरिएको छ । विवरण रुजु गरेपछि ५ हजार तिरेर जिल्ला प्रशासनबाट र अतिरिक्त पैसा तिरेर विभागबाट राहदानी नै लिन सकिने सुनुवारले जनाए ।

    त्यसो गरिँदा सम्बन्धित व्यक्तिबाहेक अरूले कुनै पनि तरिकाले पासपोर्ट लिन नसक्ने र नक्कली काम नहुने र एमआरपीको तुलनामा ई–पासपोर्ट बढी विश्वसनीय र सुरक्षित छ । सरकारले काठमाडौंस्थित राहदानी विभागबाट मंसिर १ गतेदेखि ई–पासपोर्ट वितरण सुरु गरेको थियो ।

    प्रतिक्रिया दिनुहोस