जीपले बिजुलीको पोलमा ठक्कर दिंदा विद्युत सेवा अवरुद्ध

२०८२ कार्तिक १, शनिबार मा प्रकाशित ३ हप्ता अघि

८३ पाठक संख्या

मण्डनदेउपुर /बोलेरो जीपले अनियन्त्रित भई बिजुलीको पोलमा ठोक्किंदा विद्युत सेवा अवरुद्ध भएको छ।

काभ्रेको मण्डनदेउपुर नगरपालिका-९, रानीटार क्षेत्रमा बिहान ९ : ३० बजेदेखि विद्युत सेवा अवरुद्ध भएको नेपाल विद्युत प्राधिकरण पाँचखाल वितरण केन्द्रका प्राविधिक कमल चौलागाईले जानकारी दिनुभयो ।

क्षतिग्रस्त लाइनको मर्मत सम्भारको काम तत्काल सुरु गरिएको र सो कार्य सम्पन्न हुन करिब ३ देखि ४ घण्टा लाग्ने अनुमान गरिएको छ। मर्मत कार्य सकिएलगत्तै विद्युत सेवा सुचारु हुने प्राधिकरणले जानकारी गराएको छ ।

विद्युत अवरुद्ध हुँदा स्थानीय बासिन्दा र त्यस क्षेत्रका व्यवसायीहरू प्रभावित भएका छन्। प्राधिकरणले मर्मत कार्यमा सहयोग पुर्‍याउन र धैर्य गर्न सबैलाई आग्रह गरेको छ।