कैदी बन्दी छुटाइदिन्छु भन्दै ठगी गरेको आरोपमा खड्गबहादुर पक्राउ

क्लिक काभ्रे

२०७९ माघ ३, मंगलबार मा प्रकाशित १0 महिना अघि

१०७ पाठक संख्या

जिल्ला प्रहरी कार्यलय काभ्रेले थुनामा रहेका कैदी बन्दी छुटाई दिन्छु भन्दै ठगी गर्ने मकवानपुर जिल्ला बाग्मती गाउँपालिका वडा नं ६ का ३३ बर्षीय खड्ग बहादुर बिश्वकर्मालाई पक्राउ गरेको छ ।

बिकले बादी नेपाल सरकार प्रतिवादी गंगालाल श्रेष्ठ भएको बैंकिङ कसुर मुद्धामा कैद, बिगो भराउने र बिगो बमोजिम जरिवाना हुने ठहर भएको मुद्धामा कारागार कार्यलय सुन्धारा काठमान्डौंमा कैद भुक्तानी गरी रहेका कैदी बन्दीलाई छुटाई दिन्छु भनि निज कैदी बन्दीको बुबासँग ठगी गरेका थिए ।

बिकले थुनामा रहेका श्रेष्ठका बुबा काभ्रेपलाञ्चोक जिल्ला मण्डनदेउपुर नगरपालिका वडा नम्बर ७ का ६२ वर्षीय हिराकाजी श्रेष्ठसँग झुटो आश्वासन देखाई विभिन्न मितिमा पटक पटक गरी १० लाख १९ हजार रुपैँया ठगी गरेका थिए ।

विकालाई पाँचखाल नगरपालिका वडा नम्बर ४ फेदीबाट पक्राउ गरिएको जिल्ला प्रहरी कार्यलय काभ्रेले जनाएको छ । जिल्ला अदालत काभ्रेपलाञ्चोकबाट ७ दिनको म्याद थप गरि विक माथि अनुसन्धान कार्य भइरहेको वताइएको छ ।